ما ادري ليش ما تسمعون كلامي . مو آني گلتلكم أن الانتخابات هاي المرة بين جماعة ايران وجماعة امريكا وان ذولة راح يفوزون لأن امريكا ماعدها بعد وقت تلعب ألاعيبها المعتادة ؟ لعد ليش بايدن صار نائب رئيس وليش وليش ..
بايدن يشرفنا في محميته الخضراء لأن جماعة ايران رادت تستعرض عضلاتها اللي تذكرني بذاك الممثل الهزيل النحيل الذي يقول على خشبة مسرح مصري متحديا البطل عريض المنكعين "ما تقدرش " والرجل الضخم برفعه بيديه مثل مارد يرفع عصفورا، وهذا مايزال يصرخ "ماتقدرش" ..
حسنا جاءكم الرجل الأخضر خلينا نشوف شلون راح تحتفظون بماء الوجه حين تمسحون بجرة قلم هيئة المساءلة والعدالة بكاملها وليس فقط قرارها. جماعة امريكا راح تفوز في هذه الانتخابات ، فالشاطر منكم يهرع الى رمي العمامة ، ويرتدي الجينز، ويرفع يديه لجمهوره محييا : هاي !
بصراحة .. الفرجة لاتعوض .. لا سينما . و لا مباراة كرة قدم .. ولامصارعة .. ولا توم وجيري ولا مهند التركي يتكلم سوري ولا ايدي مورفي يصرخ "شو .. خيو؟" ولا الممثل الهندي كومار يتحدث كويتي، فرجة ليس قبلها ولا بعدها. خليكم مسمرين امام قناة غار عشتار ، لا تلعبوا بالرموت . أول شيء اريد أن اسمع احدهم يقول لبايدن عيني عينك وبأية لهجة (ايرانية سورية لبنانية كويتية وحتى عراقية ) هذا تدخل في الشؤون الداخلية !!!
ثم ألا تلاحظون ملاحظة غريبة ؟ هذه اول مرة منذ الاحتلال يعلن عن زيارة مسؤول امريكي الى العراق قبل وقوع الزيارة (المفاجئة) ، وإن لم يعلنوا عن موعدها ولكن الأخبار تقول "هو في الطريق الى العراق" وهذا شيء جديد!!
السلام عليكم
ردحذفادري كلنه انتر نيت اشو متابعة التلفزبون ايضا...........!!!!
بس تسلمين عله هذا التفكير واني من هسه اتسمرت امام قناة غار عشتار
واسلمت
شكرا اخي. حجزت لك اول صف للفرجة ، ولعلمك دايما اول صف محجوز لكبار الشخصيات في البلد.
ردحذففي نفس الوقت الذي كنت اكتب فيه هذا الموضوع كان الكاكة جلال يعقد مؤتمرا صحفيا يقول فيه انه قدم طلبا للمحكمة الاتحادية (حلوة كلمة الاتحادية) للسؤال عن شرعية هيئة المساءلة والعدالة. هذا طبعا خط رجعة قبل ان يشرف بايدن ويمكن ماكو حاجة يشرف اصلا . وكان في قنوات اخرى مظاهرات خارجة من كربلاء تصرخ (كلا كلا للبعثية)..
خلي نشوف شنو نتيجة هاي المباراة.
عشتارتنا....عاشت الايادي على تحليلاتك...آني دائما الكمبيوتر مالي موالف على قناه غار عشتار بدعوه او بدون
ردحذفخلي نتفرج و نشوف كم واحد راح ينسلت بنطلونه مثل ما صار ويه صاحبنه وكيل وزير الزاعه
اني اصلا ما اتابع تلفزيون، بس اتابع قناة عشتار منذ حوالي سنة. صدقيني لا اعرف كيف اشكرك، فانا استند على تحليلاتك في كثير من نقاشاتي مع الناس من حولي، (انا اعيش في اوروبا منذ عشرين عاما)، لذلك ،لا توصًين حريص، كما يقول المثل. اشكرك كثيرا على كتاباتك وتحليلاتك والتي هي ثمرة بحث وتدقيق.يعطيك الف صحة وعافية. ودمت للعراق ومحبي العراق
ردحذفشكرا ايها الأعزاء .. الله يعطيكم العافية والصحة والثبات ودمتم للعراق.
ردحذفحقيقةتدخل قبيح في الشؤون الداخلية للعراق......يعني بايدن شمتصور نفسه...تره والله نسحب كل الجيش العراقي اللي ديحميهم بواشنطن ونخلي الجمهوريين يسووهم وصلة وصلة
ردحذف