سار بالخطوة العسكرية جنديان عراقيان وثلاثة جنود أمريكان عبر ميدان استعراض في قاعدة (الدستور) الأمريكية في العراق ، الى حيث منصة ترفرف عليها أعلام وحداتهم العسكرية وكذلك علما الدولتين في الهواء.
تعليق: وهل هذه هي المهام المطلوبة من جيش يحمي سور العراق العظيم ؟ اقامة نقاط مرورية ، واخلاء مبان ، وابطال قنابل؟ أم هذه أعمال الشرطة ووزارة الداخلية ؟ لهذا السبب لن تقوم لهذا الجيش قائمة ، حتى لو اصبح عدده 4 ملايين جندي ، لأنه مدرب على مجابهة الشعب وليس الأعداء الخارجيين مثل كل جيوش العالم .
ركع الجنود الأميركان الثلاثة وهم من اللواء سترايكر الرابع القتالي ، فرقة المشاة الثانية المسماة (المداهمون Raiders) وأزالوا الأعلام الأمريكية من المنصة، ثم عادوا من نفس الطريق الذي سلكوه وبقيت في الميدان الفرقة السادسة العراقية والعلم العراقي .
كان يراقب العرض الجنرال الأكرع ريموند اوديرنو قائد القوات الامريكية في العراق وعبد القادر جاسم وزير الدفاع العراقية ومسؤولون عراقيون وامريكان اخرون.
وهذا العرض يرمز لمغادرة اللواء المداهم Raider وهو آخر لواء قتالي في العراق، وتولي قوات الامن العراقية المسؤولية. وقد قام الجنودالعراقيون باستعراض مهاراتهم وتدريباتهم وقدراتهم في القيام بمهام في اوضاع تشابه الواقع والتي يمكن ان يجابهوها في عملهم. ومنها اخلاء وتأمين بناية ، اقامة نقطة سيطرة مرورية، ابطال عبوة ناسفة باستخدام روبوت من على البعد ، واساليب القتال وجها لوجه.
تعليق: وهل هذه هي المهام المطلوبة من جيش يحمي سور العراق العظيم ؟ اقامة نقاط مرورية ، واخلاء مبان ، وابطال قنابل؟ أم هذه أعمال الشرطة ووزارة الداخلية ؟ لهذا السبب لن تقوم لهذا الجيش قائمة ، حتى لو اصبح عدده 4 ملايين جندي ، لأنه مدرب على مجابهة الشعب وليس الأعداء الخارجيين مثل كل جيوش العالم .
لا عشتارتنا...هذه مهام الجيش...بس أي جيش...جيش احتلال في أرض غريبه...يعني الافنديه المستعرضين راح يكونون عناصر متأمركه في العراق...و النتيجه كما قلتِ في ان لن تقوم لهذا الجيش قائمه غير قائمه المالكي و ابو السبع بلاوي و الحكيم و غيرها...على ذكر المتأمركين...وين جيفاريه معشتره ام الغبار المتأيرن ؟؟ اشو هم كامت تزاغل و تزوغ من الحضور ?
ردحذفيعني هاي انتو البعثيين الارهابيين الصداميين دائما تشككون بقدرات الجيش العراقي والشرطة وكل شيء في العراق الجديد.
ردحذفهسه هم لح تقولون احتلال وماكو سيادة، مو الجماعة دينسحبون، ويتركون العراق لأهله كما قال السيد اوباما.
الجماعة شالوا الاعلام الامريكية وبقى علم العراق الجديد (الاثنين جدد العراق والعلم).
هسه صدقتوا بقصة السيادة.
اعلاه نص رسالة سيبعث بها واحد من الجماعة الى الغار ، ولكنني قررت الفوز بالسبق الصحفي وانشرها مقدما.
لبيب ..
ردحذفجيفارية هربت من طلباتك المبالغ بها.. منين تجيب لك كواني من الحلويات والماكنتوش ؟ أكيد شافت ان القراء داخلين على طمع. اخوية خفف من الطلبات .. احنا في ظروف احتلال.
مصطفى ..
شايف في الصورة الجندي الصاعد وهو دايرتعش على سلم خشبي ؟ لم ادخل الجيش من قبل ، ولكن هل من المعقول ان يحمل الجنود في القرن الواحد والعشرين وتحت تدريب وتسليح اقوى قوة عسكرية في العالم ، سلما خشبيا ثقيلا في مهامهم السريعة ؟ أم انهم - كما نرى في افلام الاكشن- المفروض ان يعتمدوا على بعضهم البعض ويصعدوا على ايادي أواكتاف بعضهم؟ او على الاقل هناك انواع خفيفة يمكن ان تطوى وتفتح عند الضرورة .
عشتارتنا...و الله آني قللت الطلبات الى كم كونيه حب شمسي قمر لانه مفيد للسكري و حتى كلت انطيكِ منها كم كونيه....بس وداعتك حتى كونيه فارغه ما حصلت...عمي بطلنه ما نريد أي شئ بس فد كم كيلو كهرباء
ردحذفبس عشتارتنا انتِ علقتِ على الدرج الخشبي...دشوفي الاخ الصنديد الواقف في اسفل يسار الصوره...هوه هذا جسم واحد عضو في قوات التدخل السريع...الا اللهم غيروا تعريف مصطلح السريع من ضمن ما غيروا...عزززززه...الشهرستاني يكول ما عدنه حل سريع لمشكله الكهرباء...يعني كم قرن راح تاخذلهه و تتصلح ؟؟
اخوية لبيب
ردحذفآني جلب انتباهي السلم لأني متعقدة منه. اقول لك السبب. في المنطقة التي اسكن فيها وهي عمارات سكنية تعاني من مشاكل في الكهرباء والتليفون والماء (يعني مثل العراق والحمد لله) ربما اكون الوحيدة التي لديها سلم (معدني خفيف وليس خشبيا) وكلما جاء عمال لتصليح تليفون احدهم او كهرباء احدهم حتى سابع جار.. يدقون بابي ويقترضون السلم. طبعا في هذه الحالة تكون عندي جلبة وخبصة داخل الغار لأني يجب ان اربط د. ماكس والعزيزة ريمة قبل أن افتح الباب واطلع لهم السلم.
أفكر جديا - لحل مشكلة الفقر المستحكم في الغار- ان اؤجر السلم لهذه الجهات الحكومية.
أخاف حال الجيش العراقي الجديد سيكون نفس الحال.. اي انهم سيضطرون لدق باب احد الجيران في مداهماتهم الليلية لاقتراض سلم للصعود على حائط او سطح الجيران المطلوب مداهمته ..والله يبين الموضوع هيجي.
اخاف بعدين يتحوسم الدرج
ردحذفوشوفوا ذولة العراقيين كاعدين يتفرجون على الصاعد المرتعش وكأنهم يشاهدون فعلا خارقا للعادة. انهم مندهشون ، متعجبون ، فاغرو الافواه.. وهذا دليل اكيد على انهم غير عراقيين لأن العراقيين متعلمون منذ طفولتهم على تسلق جدران البيوت التي يمرون بها وهم راجعون من المدارس، بدون سلالم او باراشوتات لقطف اثمار النارنج.
ردحذفو الله عشتارتنا لو تريدين الصدك هيه هم شغله تحير...يعني كل قوانين السلامه و قوانين الفيزياء الكيميائيه و الجغرافيه تكول اذا تصعد الدرج لازم تسند الجسم بايدك حتى لا توكع...زين الاخ واكف بدون اي سند..و بعدين من يبدي يطلق على العدو وين راح يروح رد فعل البندقيه...بعدين الدرج شنو اللي يمنع انه يتزحلك و يوكع و يأذي الصنديد اللي واكف...يعني الشغله كلهه استعراض و تمثيل فارغ...اما الواقفون كالمهابيل فاعتقد ان شمس الظهيره اخذت تفعل فعلها معهم
ردحذفإذا قصدك الدرج مالتي ، فهذا من اسباب الانزعاج والهرجة والمرجة كلما اقترضته جهة من الجهات لأني اظل رايحة جاية على الباب حتى ينتهي العمال من عملهم عند سابع جار، لازم اطلب النوبة اجور مراقبة عمال!! مرة واحد عامل تليفون ، اخذ السلم وتركه في مكانه على الحائط الذي عمل فيه وذهب ولم يعد.. فاضطريت اني اروح واشيل السلم كل تلك المسافة وارجع بيه للغار.
ردحذفاذا كنت تقصد سلم الجيران اللي يداهمهم الجيش العراقي الجديد فأكيد يتحوسم من اول طلعة . هذا منو المخبل اللي يكول لهم ان عنده سلم ؟ الا اذا بلغ عنه مخبر يعرف جيدا ان عنده سلم.
و الله عشتارتنا آني كان قصدي على سلم المكرود اللي راح ينطيه اعاره للجيش المتأمرك...بس بعد ما قرأت تعليقك صار الاحتمال وارد انه يصير معك..و تعرفين انتِ حظ العراقي شكد حلو
ردحذفلبيب
ردحذفبس الصاعود هذا لابس بسطال امريكي اخو بسطال بريمر وهذا البسطال اول ما يصعد راكبه او لابسه السلم، يطلع منه غراء لاصق بالخشب . لعد شعبالك؟ بابة .. ذولة امريكان خو مو كوترة؟ ماالهم علاقة بأي قوانين فيزياء. لعد شلون (سبايدر مان) كان يزحف على الجدران؟
اعتذاراتي عشتارتنا على جهلي المطبق بقوانين الجيش الامريكي..مو آني نسيت بس هسه أتذكرت قصه جهاز كشف المتفجرات و اللي يتم شحنه من خلال المشي و تحريك اليدين كالمجانين..اكيد يشتغل على نفس مبادئ الفيزياءالتابعه للجيش الامريكي و التي هي من الصعوبه بمكان على واحد عراقي مسكين مثلي فهمها
ردحذفبس و الله بعدني دا أفكر بمسأله الدرج مالك...زين ليش ما تخلين د.ماكس يطلع دوريه ويه الدرج المعار و اللي ما يرجعه يستلم بوسه من د.ماكس...شغليه شويه بدل ما بس كاعد يقرأ اخبار
مو انت صدك ما تدري اللي صار بالدكتور ماكس. مو من كثر ما قرا اخبار صار يعتقد انه اذكى من كل البشر صانعي الاخبار التعبانة هذه، ولهذا طول النهار تشوفه كاعد شارد ويفكر وسرحان. بعد ما يخلص او يتعب من التفكير يروح ينام في الحمام (باعتباره ابرد مكان في الغار) هسة مثلا نايم في الحمام.
ردحذفوطبعا لن يرضى ان يذهب دورية مع السلم ، لأنه لم يعد يعتبر نفسه كلب ابن كلب.
وفي نفس الوقت اذا فرضا طلع فإن الست ريمة تقيم الدنيا ولاتقعدها ويروح صراخها وزعيقها الى ابعد مدى وصدقني لديها صوت مميز يخرق اثخن طبلة اذن، وهي تفعل ذلك لشدة غيرتها على ماكس، وسوف تعتقد انه خرج مرة اخرى لملاقاة الكلبة السائبة البيضاء التي تتجول في انحائنا، ولن تصدق ابدا انه خرج لمراقبة السلم .
وبدلا من وجع الدماغ له ولي وبدلا من حرقة قلب ريمة ، اشوف ان يستمر ماكس في قراءة الاخبار وتحليلها واستمر انا في حراسة السلم.
هههههههههههههههههههههه والله النقاش والتعليقات هوايه احلى من الخبر...
ردحذفلبيبوف..اني مو ازاغل بس النت اله يومين خبلني... افتح الغار وبس اسوي رفرش الصفحه تصير اوفلاين..
اني بعدني ع الوعد.. جبتلك صواني زلابيه وكواني حب شمسي قمر..بس اصبر اصبر.. ليش مستعجل هيجي.. غير الدي اج ال الله يسلمه.. سواها شغله.. المن وليش وشنو المواد المستخدمه تعرف عاد هالسوالف التعبانه.. مثل ماصار بسفرتك اليتيمه صار بيه هيجي..حتي الميك اب طبيعي.. الحمدلله اغسل وجهي يبقى كما هو.. كله من ورا الشمسي قمر.. واجي الكيك تفتن عليه ودكول ماكو؟؟ وطفرت من سياج المدرسه ليش هيجي لبيب ليش؟؟بس ميخالف عمي الجبير انت مقبوله منك..
عشتوره هاي احنا وصغار كنا نغني
"يس يم يس يم عباس مكطم"
فاذا تخيلنا ان عباس هو الجيش فحقا ان طفولتنا صدقت وتنبأت.. وادركت الغد..
جيفاريه معشتره...السبب انه آني فتنت عليكِ و كلت هيه طفرت من حايط المدرسه انه آني اشعر وياكِ شباب لان كل الطرف يصيحني جدو لبيب و انتِ الوحيده اللي تصيحيني عمو...بعدين من تصيحيني لبيبوف اتخيل نفسي شاب و عندي قدره على النضال قولا و فعلا مثل تيتو بالفلم ماله...الامر الذي ادى بي الى اخراج المكًوار من جرابه و تلميعه و صقله ليكون جاهزا للمعركه القادمه....و خطيتي ما أعرف برقبه منو.
ردحذف