وصلتني من صديق الغار الأخ مصطفى كامل رسالة برفقة هذه الصورة لمنشور (بدائي جدا) كتبه على استعجال الطنطل الإسطوري ابو عمر البغدادي وألقاه من الطائرة التي يقودها فوق أبي غريب.
ارسل اليك صورة عن احدى المنشورات التي القتها مروحيات فوق منطقة ابو غريب
ولك ان تتخيلي السذاجة
فجأة اصبح لدى البغدادي مروحيات يطلق منها منشورات
وفجأة بات من ينتخب قائمة علاوي هو المستهدف فقط، اما قائمة المالكي والحكيم وسواها فقوائم حبابة.
ايضا فجأة غير ابو عمر البغدادي اسمه ليكون :ابو عمر البغدادية
يالغبائهم هؤلاء المجرمين السفلة
مصطفى كامل
++
تعليق : أخي مصطفى كامل .. مسألة الغلطة في اسمه من البغدادي الى البغدادية فهذه غلطة مطبعية بسبب الاستعجال والانتخابات بعد ساعات. وبسبب انه كان سهران الليل يتفرج على حميد الصائح مدير حملة الانتخابات في (البغدادية) ويمكن هاي اشارة تذكير للصائح ان يستضيف البغدادي في البغدادية (فهم من نفس العائلة كما يبدو) . أما كون تفضيله بقية القوائم على قائمة علاوي ، فهذا بسبب غسيل المخ الذي أجراه عليه خبراء النظافة في سجن المالكي مستخدمين مسحوق غسيل ايراني يقصر الالوان بشدة. أما مسألة المروحيات فهاي بصراحة اللي حيرتني، يمك
ن الطيارة اللي هرب بيها من فوك سطح السجن ، كاعد يشغلها الان لحساب الأنتخابات ؟ لكن السؤال الكبير يا أخي مصطفى هو هذا :
كيف سيعرف امير المؤمنين البغدادي منو اللي انتخب علاوي حتى يطبق عليه الحد ؟ قابل مكشوف عنه حجاب المحطات الانتخابية ؟ هي مو الانتخابات سرية وشفافة وبنت عم نزيهة ؟
عشتارتنا.....هذا مسويهه مثل قصه جيش ابرهه الحبشي من الطيور نزلت عليه حجاره من سجيل...هاي مو طيارات ذبت المناشير هاي الطيور الي تساند ابو عمر الشبحي باوامر من الامام المنتظر ...و خوش اكو تنزيلات بسوق الغزل اذا واحد يريد يشتري طيور
ردحذفلان اميرهم هذا مكشوف عنه الحجاب ببركات مولاه المالكي وباقي الجربزة..
ردحذفها العفو ميصير نحجي هيجي لتنجرح (حكومة ملالي طهران وتبعية الخميني) تدرون بعد حكومتنا شكد حساسة.
تحياتي عشتار