"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

17‏/2‏/2010

حزورة hopperman العراقي !


أحد القراء أرسل لي على البريد الخاص موضوعا سألني في أصله وفصله ، ولما نبشت عنه خرجت بمعلومات ارسلتها اليه. هذا ليس بيت القصيد، ولا أتمنى أن يرسل اليّ كل من يريد أن يسأل عن شيء لأقوم بالبحث نيابة عنه، ولو أن هذه المسألة تأتيني أحيانا بمعلومات عن مواضيع لم تخطر ببالي. ولكن بعد هذه العشرة معكم في غار عشتار، اعتقد انكم عرفتم الآن كيف أعمل وهو عمل سهل يمكن لأي منكم ان يزاوله. ضعوا الكلمات المطلوبة على الانترنيت واربطوا أجزاء المعلومات ببعضها لتصلوا الى نتائج مبهرة.

لكن ربّاط الكلام هو إني أثناء قيامي بوضع اسم المطلوب البحث عنه حيا أو ميتا، انزلقت يدي الى (ترجمة صفحة العم كوكل) فقامت آلة الترجمة العمياء بترجمة الاسم المطلوب الى
Dr. Hopper Column .

المشكلة ان صاحب الإسم عراقي وأحد المرشحين في الانتخابات، وعليه لغط شديد في الانترنيت. وسؤال الحزورة : ماهو اسمه الأصلي؟

وحين تعجزون عن معرفة الإسم ، وهو على الأكثر ما سوف يحدث، ستعرفون العبرة في هذه القصة. الترجمة الآلية للغة العربية خاصة ، مجرد كلام فارغ !

ملاحظة : الصورة لاعلاقة لها بالإسم وانما لأن الجرادة ايضا اسمها grass) hopper) ولكن اسمه بعيد كل البعد عن الجراد .

هناك 23 تعليقًا:

  1. هاي الحزورة أشويه صعبة , أكو أحتمال اسم الاب ( عماد )!
    عراق

    ردحذف
  2. انت اقتربت من اسم الأب ولكن ليس ماذكرته ، ولكن المشكلة تظل في اسم الهوبر !! اكطع ايدي اذا عرفته !!

    ردحذف
  3. طبعا اول مقريت الاسم استعانيت بذاكرتي اشو اترجم، مااكو اي علاقه، مدا افهم شنو القصه،بعدين على القاموس، اخر شي جبت ماما كتلها تعالي ساعديني، شنو عمود شنو واثب
    وطلع منووووووو

    ؟
    ؟
    ؟
    ؟
    ؟
    ؟

    واثب العامود :) تصفيق حار للحجية رجاءاً

    ردحذف
  4. بس انقهرت على الجراده، لانج شبهتيها بيه، حتى لو ماكو اي قصد تحطين صورتها، بس ع القليلة هي تعترف انها حشرة، ومتلبس قناع، وعندها قانون تمشي وفقه ومتتعدى على حقوق احد..
    زعل الجراد هسه تعالو راضو عاد

    ردحذف
  5. تسلم ايدج يا بطلة
    اعتقد
    المخلوق هو

    واثب سلمان العامود

    http://www.iraq-ina.com/showthis.php?tnid=46873

    حاولت اتراجع بالجرادة اللي ماعدها جناحات بواسطة نفس الكوكل ورجعت على الاشتقاقات اللغوية لكلمة واثب لانها اقرب ما تكون لاسم انسان وبعدها بحثت في الكوكل عن

    العراقية المرشح واثب

    ولكن قبلها وقعت في مرشح اسمه جراد ولكن من الاردن وبعدها وضعت كلمة العراقية لحصر البحث عن العراقيين وغيرت اسم المرشح الى واثب كتجربة فوجدت هذا الاسم اقرب مايكون لما تقولين وخاصة ان كلمة عامود مطابقة ايضا

    تحياتي

    البرجوازي العراقي

    ردحذف
  6. جيفارية .. برجوازي !!

    يعني اقطع ايدي ؟ لو اروح لمولانا آية الله ميمو ينطيني فتوى تحليل الحلفان؟

    أبطال والله . أعجبني من برجوازي الخطوات التي اتبعها للوصول الى الحل، وأعجبني من جيفارية : أمها .

    الغار يفتخر بأهله.

    ردحذف
  7. الله يخليكم بس واحد يكوللي شلون اترجمون احمد الجلبي ...مع الاعتذار لماكس و ريما مقدما

    ردحذف
  8. أبشرچ عشتورة ...
    هسة وصلني ايميل من السيستاني , دزلي فتوى علمود (أيدچ) !! الظاهر هو هم يتابع مدونتچ ! المهم , گال: من الاحوط وجوبا (قطع اليد) , اذا كان عراق هو من عرف الاسم !! وجوازاً , لا يجب (قطع اليد) , اذا عرف الجواب كل من البرجوازي أو جيفارية أو حتى أمها !!!!

    عراق

    ردحذف
  9. عراق

    ايييييييي .. الله يبشرك بالخير. وآني كنت محتارة أباوع على هاي الايد وهاي الايد حتى اشوف ياهو الماتنفع. الايد اليمنى اكتب بيها والايد اليسرى اقود بيها ماكس وريما لما نطلع برة الغار. حتى شوف صورتي في لوجو الغار ؟ وآني اقود الأسد بيدي اليسرى؟

    ردحذف
  10. لبيب العراقي

    اسم أحمد الجلبي حسب منطق مترجم العم كوكل لابد ان يكون

    best doggy

    ردحذف
  11. و علمود شغله الايد هذي اذا متريدين تاخذين بفتوى السيستاني فتروحين و تخلين صوره عشره من اعضاء الحكومه و تمررين ايدج على صورهم و تكولين مع نفسك " انت خوش ولد" فهذه تعادل قطع اليد حسب المذهب المريخي... بس لا تكولين قطع اليد ارحم

    ردحذف
  12. شنو صاير آية الله لبيب ؟ معود عوف ايدي بحالها ، آني قبلت بفتوى صمام الامان السيستاني لأنها فتوى لطيفة ظريفة وخفيفة على القلب واليدين، وهي ارحم من فتواك التي تطلب مني ان أوسخ ايدي بلمس الوجوه العكرة، ولساني بالكذب.

    ردحذف
  13. شفايتلي لو اصير ايه الله لبيب...جان هسه دا اكتب تعليقاتي و آني كاعد بجزر البهاما و الحسناوات من حولي و دا اوكل الوز مثل مولانا ج.ج ...و كلهه من خيرات الخمس و بركات السيستاني ابو الفتوات الظريفه الخفيفه.." هوه اكو وز بالباهاما ؟؟؟"

    ردحذف
  14. حجيه جيفاريه اللي تستاهل تصفيق...عشتارتنا العراقيه اللي تستاهل ان نشد على ايدهه على كتاباتها الحلوه

    هوه يكن شكل الاخ بعيد عن الجراد ...بس حتى لا يزعل علينا الجراد لازم كلنا نتذكر ان هؤلاء كسرب الجراد...اتوا على خيرات العراق فاكلوها كما يأتي الجراد على الزرع فيهلكه...يعني بيهم شئ من صفات الجراد...ارهم انطي فتاوي و اصير ايه الله لبيب... مو بالله ؟

    ردحذف
  15. الحجية المقصودة يالبيب هي الجيفارية الكبرى يعني أم جيفارية، وعلى العموم اذا كانت الحجية بهذه الفطنة (وهي فطنة العراقيين الاصلاء ابناء الرافدين) فكيف تكون الجيفارية الإبنة، كل العراقيين ماشاء الله مفتحين باللبن، يعني شلون عرفوا هذا اسمه وثاب العامود وليس مثلا (نطاط
    الحيط) وهو الأخ الثالث لشعيط ومعيط !!

    ردحذف
  16. اسف...وصلت من السفر قبل ساعتين و الظاهر عيوني من التعب دتقرا شيش بيش ....الحقيقه الحجيه و ابنتها الاثنين يستاهلون تصفيق...بس سؤال...اذا نطاط الحيط طلع هوه الاخ الثالث لشعيط و معيط...لعد هذا جرار الخيط منو

    ردحذف
  17. لبيب

    آني أعذرك لأن راجع من السفر ودايخ، شلون ماتعرف ان جرار الخيط هو اخوهم الرابع اللي كان هربان بإيران، وفي رواية اخرى انه من (المؤنفلين) أو (المفقودين الكويتيين) والله أعلم، وأهله في العهد البائد ماكانوا يريدون يسجلون اسمه في تعداد النفوس حتى ما تعرف بيه الحكومة !!
    يعني سقط من التعداد والآن هو في سبيله الى استخراج شهادة جنسية جديدة بنفسجية.

    شوف شلون فتحت على نفسك فتحة؟

    ردحذف
  18. هاي النتيجه...اللي مايفتًح عينه زين بعد السفر..تنفتح عليه فتحه...تعلمت الدرس....اعتذاراتي

    ردحذف
  19. وبعدين يا أخي انا جبت اسم نطاط الحيط لأنه ياسبحان الله لتوارد الخواطر ، يشبه اسم واثب العامود . الحايط هنا بدلا من العامود وكله نط ووثب.

    الذي استغرب له أنه في العهد الجديد طلعت اسماء ما أنزل بها الله من سلطان لم نكن نسمع بها . شلون فولكلور عراقي كان صدام حسين يحاول ان يحرمنا منه.

    شلتاغ وعامود وصولاغ وبطيخ وكنبر، وقنبر الخ الخ

    ردحذف
  20. و الله كلامك صحيح...راجعي معجم " صحاح و تصحيح اللفظ الفض في تفسير اسماء طايحين الحظ "

    ردحذف
  21. تحياتي للجميع هي الحزورة جانت قوية مو سهلة ...وقراء المدونة مالتج ترة يعني يشغلون دماغهم زين يعني

    يدورون بالابرة
    يقرأون ما وراء السطور
    مفتحين باللبن

    لان في هذه الزمان هناك الكثير من المؤامرات وساقوم بنشرها على مدونتي الواحدة تلو الاخر عسى ان يزداد عدد القراء الذين يبحثون عن الحقيقة

    الذين يبحثون عن المصادر الحقيقية وليس الذيول او اذرع الاخطبوط.

    آخر فتوى مضحكة هي التالية

    ..........
    يجب عليكم الذهاب للانتخاب ذهاب واجب التكليف مثل الامام الحسين ع لانه حاول تغيير الحكم اي حكم يزيد ولكنه نجح وان لم يحصل على نتيجة وانتم كذلك يجب عليكم ان تحاولوا تغيير الحكم والحصول على نتائج مهمى كانت
    ..........

    هذه من رجل دين على قناة البغدادية البارحة ...

    وفي حالة وجوب الاتباع والتقليد يجب وجود آية الله عراقي نتبعه ويجب ان يتكلم العربية بطلاقة وعليه

    ارشح آية الله لبيب العراقي لهذا المنصب فبعد رسالته الموسومة عراقي بن عراقي قد وصل درجة الاجتهاد بعد ان كان حجة الاسلام والمسلمين عراقي

    عشتار بلكت تسويلنا حزورة ثانية
    حتى نشوف اني وجيفارا ندبرها لو لا

    ولبيب مولاي شوكت تسويلنا حوزة عراقية ؟

    ردحذف
  22. اعزائي برجوازينا و عشتارتنا و كل المتابعين....آني اعرف انكم تريدون الخيرالي و الحقيقه فكرت بمسأله انو اصير ايه الله...و كتبت موضوع بمدونتي على هذه المسأله و ابشركم اني قررت ام ابقى انا كما انا... نظيف من كل صفه يتصف بها اي آيه او حجه قدس الله سر بطانياتهم جميعا.

    ردحذف