فاجأني ماكس اليوم مفاجأة صاعقة لم تخطر على بالي.
كان شكله منذ أمس يوحي بأن وراءه شيئا او سرا يحاول إخفاءه. اليوم وضع أمامي صورتين :
- هاي شنو ماكس ؟ هاي صورك؟
-وأين ؟ في أهم شوارع بغداد ، وأكبر اللافتات . تذكرين اني منذ سنتين تقريبا قلت لك اني نويت الترشيح ، شنو نسيتي؟
- لك منو ضحك عليك ؟ هاي انتخابات بشر مو كلاب
- البلد مليانة كلاب . شنو ماتقرين الاخبار؟ الكلاب في البرلمان والكلاب في نقاط التفتيش، وفي القواعد العسكرية، وفي قصور الرئاسات، وفي مزارع أثرياء الحرب ، طبعا غير الكلاب السايبة ، يعني ذولة مايريدلهم نائب يشوف أمورهم وحقوقهم ؟ آني مرشح عن مكون الكلاب في العراق الجديد.
- زين هذا المكون هو اللي رشحك ؟ وين شافوك وين عرفوك؟
- وليش بقية المرشحين منو رشحهم ؟ منو شافهم ومنو عرفهم ؟ كل اللي عنده قابلية يرشح!
-زين منين لك هاي الأموال اللي نصبت بيها مثل هاي اللافتات؟
- اوهو .. منظمات الرفق بالحيوان الأوربية والأمريكية اكثر مما تتصورين، اصلا اول ما كتبت لهم بهاي الفكرة ، فتحوا لي حساب وانهالت عليّ التبرعات.
- وشلون تضمن ان مكون الكلاب راح ينتخبك؟
- أول ما يشوفون رمز الائتلاف (العضمة) راح يعوفون كل شيء ويركضون وراي.
- يعني ضامن النجاح ؟
ابتسم ابتسامة غامضة . ثم قال:
- هاي العضمة اللي هيّ رمز ائتلاف الحراس، لها أكثر من معنى . وأهم معانيها هي الرسالة التي تريد ايصالها الى جهات الدعم والإسناد ، والتي تقول "إننا ديمقراطيون حتى العضم" !!
كان شكله منذ أمس يوحي بأن وراءه شيئا او سرا يحاول إخفاءه. اليوم وضع أمامي صورتين :
- هاي شنو ماكس ؟ هاي صورك؟
-وأين ؟ في أهم شوارع بغداد ، وأكبر اللافتات . تذكرين اني منذ سنتين تقريبا قلت لك اني نويت الترشيح ، شنو نسيتي؟
- لك منو ضحك عليك ؟ هاي انتخابات بشر مو كلاب
- البلد مليانة كلاب . شنو ماتقرين الاخبار؟ الكلاب في البرلمان والكلاب في نقاط التفتيش، وفي القواعد العسكرية، وفي قصور الرئاسات، وفي مزارع أثرياء الحرب ، طبعا غير الكلاب السايبة ، يعني ذولة مايريدلهم نائب يشوف أمورهم وحقوقهم ؟ آني مرشح عن مكون الكلاب في العراق الجديد.
- زين هذا المكون هو اللي رشحك ؟ وين شافوك وين عرفوك؟
- وليش بقية المرشحين منو رشحهم ؟ منو شافهم ومنو عرفهم ؟ كل اللي عنده قابلية يرشح!
-زين منين لك هاي الأموال اللي نصبت بيها مثل هاي اللافتات؟
- اوهو .. منظمات الرفق بالحيوان الأوربية والأمريكية اكثر مما تتصورين، اصلا اول ما كتبت لهم بهاي الفكرة ، فتحوا لي حساب وانهالت عليّ التبرعات.
- وشلون تضمن ان مكون الكلاب راح ينتخبك؟
- أول ما يشوفون رمز الائتلاف (العضمة) راح يعوفون كل شيء ويركضون وراي.
- يعني ضامن النجاح ؟
ابتسم ابتسامة غامضة . ثم قال:
- هاي العضمة اللي هيّ رمز ائتلاف الحراس، لها أكثر من معنى . وأهم معانيها هي الرسالة التي تريد ايصالها الى جهات الدعم والإسناد ، والتي تقول "إننا ديمقراطيون حتى العضم" !!
حياتييييييييي ماكس
ردحذفشلون ضارب بوووز
شنو هالعين الكحيلة
شنو هالجهامه
شنو هالوسامه
يروحولك فدوة
ابتداءاً من الشيطان الاكبر الى الشيطان الاصغر"..
عيني عشتورة، هاي فبركه اعلامية، وكلها شغل فوتوشوب، مكوسي ميسويها، بس يحب يداهرج لا اكثر ولااقل..
عيني الكلاب اوفياء لأصحابها، يعني معقوله يعوف الغار ويروح على الضفة الاخرى..
اني مااصدك ابد، الا اذا مشتهي عظم ومستحي يكول جوعاااااااااان
فطلعلنا بهاي الصور، خصوصا العظمة ماخذا مكانه كلش مهمة,,
جيفارية .. كل ما اريد اجر رجلج للتعليق راح أحط صورة ماكس .
ردحذفولو اني ماحب الجلاب بس بصراحة لو اي واحد من المرشحين يفتهم جان ياخذ رقم جيمس بوند هذه ههههههههههه
ردحذفيعني مثلا
نتخبوا ابو العنبة دبل او سفن من اجل تطوير المخابرات وشرب السفن.
اللي يضحكني يخلون صورة المالكي كدام علم العراق واسالهم ليش متخلون علم ايران احسن مادري بعد.
هي مثل متكولين جماعة ايران وجماعة امريكة بس هسه داشوف الانتخابات اما راح تزور واما راح يبدون الناخبين ناس تقتل ناس لان مال تقنعيني ذولة مصدكين بانتخابات مال عقال ماصدك ومحطات الراديو هم صارت تلعب النفس كل وحدة تحجي على بس مرشح عبالك هو ادم حتى حواء هم ماكو يعني عبالك مانخلق غيرة.
سؤالين ... وما بيها ترِك , ومطلوب الاجابة (بشفافية) !!
ردحذفواحد - ما هو رأيك بترشح ماكس للأنتخابات ( وتكريسه للاحتلال بهذا الترشح) عبر قائمة 007 ؟ مع العلم ان مؤسس هذا الأتلاف هو چلب بوند .... ربيب الاحتلال !!
أثنين - ألا تخشين (في حال فوز ماكس بمقعد برلماني) من أن يفشي سرك أمام مجلس الدواب ؟؟
عراق
عزيزي عراق
ردحذفهل تعتقد اننا في سوق هرج الانتخابات ، يمكن ان نتخلف عن الانتخابات بدون ان ندلو بدلونا فيها ؟ زين هسة انتظر النوبة اكو مفاجأة اخرى. الغار عندي انقلب رأسا على عقب بسبب ترشيح ماكس.
خليك على الخط واوعى تغير القناة
صارت ساعة 3 صباحا , لابد وان اغلق القناة ! غداً انشاء الله نشوف شنو اسباب الضجة بالغار !
ردحذفعراق
عشتورة الكلاب تستحق منا الحب لانها وفيه.
ردحذفوالبكاء في حضرة الكلاب اعتبرها سعادة،لهذا افكر باقتناء كلب رغم انعدام معلوماتي عن فصائلهم، لكن بلا شك فهم اوفياءـ بعمس الحثاله والشكولات الكشرة التي اذاقتنا الويلات
عاش ماكس
جيفارية ..
ردحذفاذا المشكلة هي في البكاء بحضرة الكلب، مستعدة ادز لج ريمة لأنها بكاءة عظيمة، كلما اتركها شوية تزعل وتكوم تبجي وتنوح بصوت يسمعه سابع جار.