"شوفي .. يروحون يروحون ويرجعون علينا"
"شنو القصة ؟"
اضاف ماكس :" طبعا ماكو كلب اكسباير أو خربان أو خردة "
"شنو القصة ماكس؟"
الخبر يقول ان المالكي استنجد بالأمريكان بعد فضيحة أجهزة الشرطة ام 60 ألف دولار، وبعد التفجيرات وهبوط شعبية (دولة القانون) قبل الانتخابات ، فقال له الأمريكان ماعدنا غير الكلاب وهي اللي تنجدك. وشحنوا له فورا 25 كلب مدرب على اصطياد القنابل. ومن المنتظر أن يأتي خلال الـ 12 شهر القادمة 120 كلب شمام للقنابل. كل كلب سعره من 7000 الى 8000 دولار ، غير أكله وشربه وقهوته !
ليش 12 شهر؟ لأن كل كلب يحتاج 45 يوما للتدريب.
واحد من الكلاب اسمه (برهم) اي والله هذا اسمه ! وهو بعهدة العريف بسام خليوي. وقد أدى أمام المراسل الصحفي تجربة اكتشاف سيارة مفخخة! وعمر الكلب الشمام قبل التقاعد 12 سنة .
++
بعد قليل غاب ماكس في الغار ثم رجع وقد ارتدى الكاب على رأسه.
"هاي شنو ماكس؟"
أجاب :" أفكر في الذهاب الى العراق، أريد أشتغل ويّ الأمريكان"
معوّد عدّل بدّل ..
قال "طكت روحي أريد أبني مستقبلي ، يعني برهم أحسن مني؟!"
++
متابعة: اقرأ بعد 3 سنوات من الآن ماكس يهاجر الى الناصرية.
هههه والله حقه هو أفضل من غيره ولكن هل يرضى ان يكون عميلاً؟؟؟؟
ردحذفعشتارتنا ....هي هي نفس العبة:لكن بماسك اخر ...فساد وهدر للاموال والخيرات ويقولون جئنا لنحرر العراق!!! بل ليقولوا جئنا لنقضي على ماتبقى من العراق
ماكس...هاي شنو يمعوًد...يعني ترضى تصير مدمن شم..و لا يهمًك برهم...كم شهر و راح تشوفه اذا ما يشم ريحه بارود كل يوم يبدي يهرش بجلده...و بعدين لا تنسى العراق مقبل على مرحله " من قلًه الخيل شدًوا على الكلاب سروج " ...فكًر لبعيد و خلًيك مع عشتارتنا
ردحذفشوفي عزيزتي عراقية (وما ادري هاي اللاكن ليش) ..
ردحذفالأجهزة الخربانة أم 85 مليون دولار ، كان صانعها المحتال انجليزي. ولكنه لم يكن تاجرا جيدا. لأنه ضرب ضربته وهرب. يعني باع بيعة واحدة بمبلغ كبير، وبعد مايهمه شيء. أما الأمريكان فهم تجار أفضل، يبيعونك كلب بمبلغ رخيص، ولكنه يكون استثمارا طويل الأمد. وهناك مقولة "قليل دائم خير من كثير منقطع" وهذه تجارة رابحة. الكلب طبعا سيعمل لمدة 12 سنة، شوفي اكله وشربه وعلاجه وسكنه، يتكلف كم كل شهر لمدة 12 سنة،وهاي كلاب فاخرة وكلاب استثمار يعني مو مثل أي كلب تعطيه أي شيء ياكله. وشوفي اذا الكلب مات او قتل عمدا او بالخطأ، هاي قدرات الله، لازم يعوضوه بكلب آخر.
وبدلا من كل هذا ، كان عمر بن الخطاب (رض) عنده وصفة بسيطة جدا للحاكم:
"عدلت فأمنت فنمت"
ماكس يسلم عليك .. ويقول لك انه فكر لبعيد وبالضبط كما تقول "من قلة الخيل.." ولهذا يريد أن يذهب لبناء مستقبله، من يدري فقد ينصبوه في يوم من الأيام رئيس وزراء.
ردحذفوهوه هذا بالضبط اللي اني خايف على ماكس ليصير بيه...بعدين لازم يكعد ويه شكولات الجلاوزه...عمار و الصغير و عادل و علاوي و ابو ريشه غيرهم...شكد تتوقعين راح يتحمل المسكين.. يمعوده خليه يفكر مره اللخ.
ردحذفوآني أكدر استغنى عنه! منو بعدين يقرالي المقالات؟ خليه يحلم .. قابل أكو على الحلم جمرك؟
ردحذفهههههههه، حبيب ئلبي ماكس
ردحذفميسويها، هو بس دهري ويحب يتمازح
دشوفيه شلون سبع وضارب بوز، وديباوع علينا والضحكه بين عيونه، يروحلك السيستاني فدوه..
بعدين عشتورة،حتى الكلاب متنفع، اصلا كنت شايله ويايه 6 كيلوات باسطرما من هاي الي تضرب ضرب بالنخاشيش، وميت الف مفرزة وكفونا، ووكل كلب يكول لليمه دوخر دااشم، ولا عبالك، هاي كلابهم فاقده الاحساس مثل اصحابها لا من خشم ولا من تمممم :) كله الا زعل ابو كاسكيته ريتك تئبر المالكي وتمشي على ئبرووو..
عيني جيفارية..
ردحذفالكلاب ماشمت الباسطرمة، لأنها ماكانت متبرمجة على الباسطرمة. يعني قابل الباسطرمة هي قنابل أو مخدرات، ممنوعات ؟