شلون مات؟؟

وصلتني هذه القصة النكتة على البريد :

الأول : اشلونك واشلون أبوك ...... ان شالله صار زين؟؟؟
الثاني : آني زين الحمدلله ... بس الوالد انطاك عمره
الأول :العمر إلك آني اعرف هو بيه قلب ... مو؟ يالله الله يرحمه
الثاني : بس والله ما مات من القلب

الأول: لعد اشلون مات ؟؟؟؟
الثاني : الله أيرحمه بآخر أيامه ضعف نظره وطلع بالبالكون وماشاف الحافة و وگع وتعرف احنا بيتنا طابق ثالث
الأول : لالالا على هاي الموته ... بس هم الله يرحمه

الثاني : والله اتعذبنا بيه هوايه ... سويناله عشرعمليات يالله أتحسن

الأول : لعد اشلون مات ؟؟؟؟؟
الثاني : صار يمشي على عكازة ... ومرة دا يعبر الشارع و دعمته سيارة
الأول : لالالا ... الله يرحمه

الثاني : ربك رحيم .... مر من يمّه واحد من جيرانّه وحطّه بالسيارة و نقله للمستشفى بس النزيف الداخلي جان رهيب
الأول : الله ايرحمه بكل الأحوال

الثاني : بس سفرنا لسبانيا وبقينا يمه ستة أشهر وتحسنت حالته

الأول : لعد اشلون مات؟ راح أتخبل !!
الثاني : صار بي فشل كلوي حاد و ردنه واحد يتبرع ... ما لقينا وصار بي تسمم
الأول : يالله ارتاح ... الله أيرحمه

الثاني : بالصدفة اجه واحد ايعرفه من زمان و اتبرعله

الأول :ولك ما تگلي اشلوووووووووووووون مات ؟؟؟؟؟

الثاني : گاعد بالبيت و الغاز مشعول و احترق البيت
الأول :ايباااااااااااا اشلون موته رهيبة

الثاني:- بس والله جارنا الله ايجازيه بالخير .... كسر الباب ونقذه

الأول :ولك لعد متفهمني اشلون مات؟

الثاني:- والله اضطرينا انضربه طلقة براسه يالله مات