Google+ Followers

"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

10‏/1‏/2011

حين تتساقط الأفيال من السماء!


تعليق عشتار العراقية

والله حرام ! هذا الغثيان الذي يصر عمرو أن يصيبنا به على مدى عدة أيام. الأفيال التي طارت في سماء العراق وسماء المنطقة بسبب هذه الزيارة ، بدأت تتساقط مثل المطر ، وكل فيل يقع يحدث حفرة كبيرة هائلة . وبما أن عمرو يجوب العراق من شماله الى جنوبه، فإن السماء صارت من الزحمة لا تطاق، والأرض صارت مثل المنخل الضخم.

شنو القصة ؟ جاي الأخ عمرو حتى يساهم في انجاح (القمة العربية) ، هذا طبعا كان أكبر فيل. لأن القمم العربية لم تنجح طوال حياة حكامها المخضرمين منذ القرنين الماضيين ومستمرين في الحياة الى القرون القادمة إن شاء الله. لم تنجح حتى في أكثر المناطق استقلالا (افتراضا ومجازا) وأشدها هدوءا . النوبة قمة المراعي الخضراء؟

يمكن والله ما ادري .. يمكن البقر المناسب في المرعى المناسب يأتي بنتيجة.


الفيل الثاني والثالث والرابع الى العاشر هو الخطب التي يلقيها الأخ عمرو ويتحدث فيها عن حرية واستقلال وديمقراطية ونزاهة وعدالة حكومة العراق وانها تلبي كل الاحتياجات (الأمريكية ) وتمثل جميع أطياف (شركات النفط) !

الفيل الأخير زيارته للسيستاني . ومع أن السيستاني رجل دين وليس له صفة أخرى حاكمة ، ولكن كل المنافقين من السفراء الأمريكان وممثلي الأمم المتحدة وممثلي الجامعة العربية لابد أن يزوروه في صومعته ، حيث أن زيارتهم للعراق لا تنفع ولا تشفع اذا لم تتم هذه الزيارة . ويخرجون ويتحدثون في خراطيم أفيالهم عن انفصال الدين عن الدولة الحديثة ، والتكنوقراط، والدولة المدنية ، ونبذ الطائفية والمواطنة الخ الخ الخ (كل الخ هو فيل كامل المواصفات) . لماذا إذن زيارة السيستاني حجر الزاوية في كل زيارة للعراق؟



احتاج الى گوشر ليمون حتى تنتهي الزيارة !

هناك 9 تعليقات:

  1. على هيجي راح تصير الليمونة الوحدة بألف دولار .. !!

    ردحذف
  2. عمرو شرارة10 يناير، 2011 8:25 م

    عيني استاذ جياد الامور راح تعلك تره حضر نفسك على المقالات الجاية بوجود مقتدى واستفتاء تقرير المصير عفوا التقسيم بالاضافة الى عودة الامام مقطاطة هاي لازم تتطلب وقت وتفرغ كامل من جنابكم للمرحلة القادمة ..هل انتم موافقون؟

    ردحذف
  3. ابو هاشم

    الزنبيل يليق بالوزراء ، والكوشر يليق باالعوام من الناس.

    ردحذف
  4. واحد اسمه عمرو ؟؟

    ماتعرف عندي حساسية من كلمة عمرو؟ شوف آآآ ... آآآ راح أعطس.

    ردحذف
  5. عمرو شرارة10 يناير، 2011 9:55 م

    يرحمكم الله حجية عشتار فدوه حجية بس ركزي هسه مو مال العطس انتبهي الايام القادمة راح تصيرين احتمال خفر عندج ترجمات لابو موزة لان راح تشتعل المسائل اكثر

    انتِ جاهزة حجية؟

    ردحذف
  6. عيوني عمرو ...آآآآ.. آآآآ ش شش شرارة.. والله يرحمكم ..

    ادعي لي اخلص من الترجمة اللي عندي ترة نفسي لعبت من الترجمات. هسة خلصت الكتاب اللي بايدي وكاعدة اراجعه وبعدين لازم اكتب له مقدمة . هاي المسألة راح تاخذ مني 2-3 ايام ، وبعدين تبتدي خفارتي.

    ردحذف
  7. شنو هالوصف الشاعري استاذة " المخضرمين " كولي المحنطين كولي الدينصورات كولي أي شي غير المخضرمين ...

    شوفي شلون التونسيين " أروحلهم فدوة " ردوا الحياة لواحد من المحنطين و خلو يحجي .. و يقبل يندفن وره ثلاث أريع سنيين ..

    يعني الشباب الورد يموت علمود المحنط يندفن وره جم سنة !!!!

    و تكولين إن عارض الاستقلال بس بالعراق ... لا يابه في كل عاصمة عربية زريبة خضراء و أكثر ... مو بس بغداد المحتل عسكريا .

    ردحذف
  8. بالمناسبة يقال إن الحامض اختفى من الأسواق .

    ردحذف