مظلومية جديدة في العراق: وزارة شاملة إلا من مكون واحد !!

غارعشتار
منذ الأمس والغار في حالة ثورة شاملة .. د. ماكس يروح ويجيء في غضب ظاهر ومرارة كامنة..يطل على شاشة اللابتوب ويسأل:
- ها.. اي اخبار؟
- خلص ياماكس الوزارة اعلنوها وصادقوا عليها.
- طيب شوفي مرة ثانية .. ماكو اسمي بأي وزارة ؟
- والله ماكو .. حتى شوف؟
- ولا حتى نائب رئيس وزراء ؟
- ابدا
- زين نائب رئيس جمهورية؟
- آسفة ..
- تعرفين أخاف اخذوا واحد مهتلف من المكون اللي امثله وحطوه في وزارة من وراية؟ اقري الاسماء زين.
- ماكو .. لكن يمكن يفكرون بيك في منصب نائب وزير؟ مستشار؟  انتظر شوية.. أو يمكن شايليك لوزارة الداخلية او الدفاع لأن الى الان ما عينوا احد..
- اي .. هية هاي .. اكيد يحتاجون دكتوراه في شم الارهاب على البعد، للداخلية  او الدفاع.
- بس هاي عليها عركة ومنافسة كبيرة .. عندك هادي العامري واحمد الجلبي .. الوحيدين اللي ما تعينوا في الوزارة الشاملة. وللعلم هذا عنده ميليشيا وهذا عنده ميليشيا. انت شعندك؟
ضحك د. ماكس ضحكة صفراء وقال بصوت عال:
-ميليشيا؟ يابة آني عندي تنظيم!! بس راح انتظر حتى يكملون التحالف الدولي ضد داعش ، واشوف شلون ترسي الأمور واطلع لهم بداغش، وساعتها ماأقبل أقل من وزارة الدفاع.

تنظيم داغش الذي يرأسه د. ماكس

كل المعلومات عن تنظيم داغش