"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

22‏/11‏/2011

چفصة مقتدى الصدر

مقتدى الصدر الذي يرتدي جبة وطنية واسعة عليه شوية، طالب صاحبتهم مريم الريس بالاعتذار لأنها شكرت الولايات المتحدة على (التحرير)، وهكذا جلب المسبة والشتيمة لنفسه، لأن جماعة الريس ردوا عليه مذكرين بجرائمه، وجماعة المقاومين للاحتلال ردوا عليه بأنه ليس أفضل من مريم فعلا وجرما، وموقع وجهات نظر يراقب عن كثب "نارهم تاكل حطبهم"، وصحيفة القدس العربي طالبته بالإعتذار أيضا من الشعب العراقي وإن كان الاعتذار لن يكفي قائلة "السيدة الريس لم تجانب الحقيقة على الاطلاق، وكانت صادقة مع نفسها ومع الحلفاء الامريكيين. من يتوجب عليه الاعتذار ليس السيدة الريس مستشارة المالكي فقط، وانما كل الذين تواطأوا مع الاحتلال الامريكي لاحتلال بلدهم، وايصاله الى هذا الوضع المأساوي الذي يعيشه، وان كان يجب محاكمة جميع هؤلاء ايضا امام محاكم الشعب العادلة لان الاعتذار وحده لا يكفي"
وغار عشتار يقول "لا اعتذار ولا أسف، المفروض ان يشكر مقتدى الأمريكان أيضا وبكل حرارة، ويصلي ركعتي شكر للإله المدجج بالسلاح القابع في البيت الأبيض، لأنه لولاهم لما كانت الريس ولا كان الصدر، ولا بقية المافيا"

هناك 10 تعليقات:

  1. اتفق تماما مع رأيك سيدتي، وقد فاتتني هذه الفكرة رغم انني كنت اريد ان اكتب عنها، حينما قلت ان الاميركان (مكَّنوه من السيطرة على العراق بميليشياته المجرمة التي عاثت بالعراق فساداً وقتلاً وتدميراً منذ أول أيام الاحتلال)، نعم فاتت من اجل ان تكتبي انت عنها، وتركزي الانتباه على قضية مهمة جدا.
    لكن الفكرة الاساسية في تعليقي على الموضوع كانت مراقبة كيف تأكل نارهم حطبهم.
    وهو ما أتمناه من كل قلبي، ومايحدث فعلا على الارض الان.
    تحياتي

    ردحذف
  2. من كان يعرف هذه المسوخ قبل الاحتلال ؟؟؟ ليشكرو من جاء على ظهر الدبابه ويشكرو بوش اللعين لو لا المحتل لما برز المسوخ
    زمن اغبر وخلو على الجلاب سروج وصارت السلوكيه خياله !!!!!!

    ردحذف
  3. عشتار ومصطفى وهذي المسمية روحها القدس
    شوفو أكلكم لا نارها ولا حطبها جوزو من هذي السوالف والدالغات الي تلعبوها علينا حتى تلفطون علينا الحطبات مالتنا جيبو الحطب أحسنلكم تراها تثلج وتصفر بينا صفير هذي السنة جاموش أنتدفى بالنفطات مالتنا مثل العام الفات هالسنة شو جنهى ماكش نفطات وحتينة هذي وزارة الكهربه والطاسة لومدري شنهو السنة هذي تشتري النفطات والكاز من أيران جنها ماعدها نفطات لومتنطيها أنفطات وزارة النفط من حيث النفطات هذي السنة ماكوو كلش نحتاجش منكام الحطبات لوتنطونياها لوترة تصير بيناتنا مشاكل جبيرة وأدزلكم كوامة يكومولكم ياخذون فصل على هلحطبات الي تريدون تاخذونها منعندنا ها خلو بالكم يمي بوية الأحطبات جان لو ماوصلتنا بهل يومين أبعثلكم ترة زلم بتفكها موش تكولون ماكالنة
    محمود النعيمي

    ردحذف
  4. محمود
    شنهي السالفة؟ ما ادري گلبك على النار لو على الحطبات. هسة اذا النار اكلت الحطبات، چا مو راح تتدفون بهذا الشتا؟ حتى ما تحتاجون لانفطات ولا كهرباء.

    ردحذف
  5. محمود وعشتار
    رائع حواركما باللهجة الجنوبية، ولو اعرف اتكلم بها لكنت تواصلت معكما...
    بس اوصيكم: هلله هلله بالنفطات والحطبات.

    ردحذف
  6. مصطفى
    بوية طرگاعة! على شنو توصينا، چا مو انت اللي حزمت نفسك ناطور على النار والحطبات؟

    ردحذف
  7. خيتي هاي الكلاوات ماتلبس براسنة خوية لاناركهم تاكل حطباتنا ولا هنوب تحطيلي خوية مصطفى ناطور هيهي( سلم البزون شحمة) راحت النفطات والحطبات والمارضى بجزة يريدله جزة وخروف ,, لا خيتي وخوية جا بوية آنة مصلاوي أبو النعلجة ومايفككم مني إلا الحطبات وخاف عنبالج أشعل النار بيهن ونندفى آنة والفريخات والحرمة, جاموش أكو أختراع جديدلنك والعباس حتينة بيه براعة أختنراع من الموصل ماتعرفونة جا أنتم أهل الجنوب بعدكم لَنكم ماتكدرون توصلوننا منشان هلعبغرية ماتلوكلكم ماطولكم وراهذولة العجم جماعة نجودي( مو المنجدجي مال دواشك ) لاااا أكصد بوية هذا أبو تهران, ماعلينا خلونة بسالفتنا براعة الأخترناع هذي سجلناها بوية بسم أبن عمتنا ما بسمنا منشان ماتندلوها وتبوكوها منعندنا لا نار ولا تخلص الحطبات هعهعهع متعرفون تحزرونها شلون, ماكللكم ,,, لالا أنكسر خاطري عليكم تبجون الحجر أعلى حالكم ميتين من البرد بهاي علمانيا لو هلندة لوبالغاريا لو كنده لو بعمريكة المصخمة,, ولكم يامكاريد تحطون الحطبات بكونية منهاي أم القلمين الجديمة مالت التمن لمن جان الدينار حياكة, بوية مصطفى تحطن ذيل الدشداشة بين سنيناتك لو تحصرها بلاستيك الشروال مالتك وتعتلها للكونية هاي أم القلمين الأحمر وتنزع مكرم السامع مركوبك وتحطنة على صفحة وبعد ماتعتل الكونية, وأبطنها حطباتنا , تعتلها على جتوفك وتركض بيها ودور على النمنم الي بكاع الغرفة وتاليها بعد ما تمشيلك ساعة وماتلكة نمنماية وحدة تلكى روحك تترس أسطولة من العرك(موعرك مسييح لو بعشيقة) الي يصب صبابة منك وتالي الشتا تنشفنا أحطباتنا من عرك جبينك طول الصيف أعلى الشمس حتينة الشتا الجاي تدفا بيها دور النوب وتدعيلي بوية أنته وخيتنا عشتار,,, بوية أكلكم هذة الالكينبوردن شعوطهة الكلبي أشعوط بوية مامش بيه الجيم مالتنه هذي أخت الأش هاي أم النكط الأتلاثة جواتها أخت الأش لممن نكتب الأح وجواتها أتلث نكاط ماتلكولي كينبوردن شروكي يعرف يكتب جيمنا الشروكية مو هذة الكينبوردن العنكليزي من سودة بوجوهم مايعرف يكتب شروكي وحتينة مايحجي شروكي شلعلي أفادي وعتة عت عشتار أنتي حبابة بوية شوفيلي ينطيج العافية واحد يغنغن بالغاف ويصير أدبسز ويكول الكاف مايعة وسكرانة والغين يسوينها غاف ويكتب الجيم مالتنا أخت الشين وبعد يحاجي شروكي جابوية شبنة أحنا أغم لو أغم وما تلكيلياه شروكي وغيري تصخميلة وَجه نقروبونتَي أشو آنة مصخم أصخم أكثر من هذا نقروبوني مدري آل كابوني
    محمود النعيمي

    ردحذف
  8. بوية محمود اشو انت من چفص مقتدة تسودنت وانگلبت شروگي.

    طيب اذا تريد تعرف شلون نكتب شروگي على الكيبورد ، اليك التعليمات:

    على الجانب الأيمن من الكيبورد هناك ارقام.
    حتى تكتب حرف گ اضغط على alt وخليك ضاغط وفي نفس الوقت اضرب الارقام بهذا الترتيب من اليمين: 0 1 4 4

    اذا اردت حرف چ ابو ثلاث نقط. اضغط على alt واضرب الارقام:
    0 1 4 1

    ردحذف
  9. جياد التميمي24 نوفمبر 2011 في 8:41 ص

    ياول كل هاي النكرات والدكمات على مود كـ أم الشخطة و جـ و أم الثلاث

    عموما مانجحت وياي أبد . الكيبورد يمي يرفض رفضا قاطعا .

    إن شاء الله ينحج أخوية محمود و ماينشلع افاده .

    ردحذف
  10. مريم الريس او مقتدى او غيرهم من جوقة العملاء ومخربي العراق في سلة زبالة واحدة وان اختلفت تسمياتهم او عناوينهم

    ردحذف