"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

10‏/6‏/2011

لاتفكر ولا تحتار: عند بانيتا الخبر اليقين

بينما يثور الجدل في حارات المراعي الخضراء حول بقاء او رحيل القوات الامريكية . البعض يقول هذا اختصاص رئيس الوزراء وآخرون يقولون بل لابد من تصويت البرلمان. وثالث يصرخ كلا كلا استعمار. ورابع يتوسل: وين تروحون وتعوفونا.. وفيما هم منشغلون بهذا الأمر، يفكرون ويدبرون ويحتارون ويتعاركون، حسم القيل والقال السيد ليون بانيتا مدير السي آي أي حاليا والمرشح لوزارة الدفاع الأمريكي  خلفا لروبرت غيتس (واللي راح تشوفون جهرته كثيرا في الايام المقبلة) قال في جلسة مجلس الشيوخ التي ستصادق على تعيينه في منصبه الجديد: فيما يتعلق بالعراق  فإنه على ثقة - بعد موجة العنف الاخيرة - من ان الحكومة العراقية سوف تطلب استبقاء قوات امريكية بعد الموعد المحدد لانسحابها في 31 كانون اول. ويوجد حاليا 47 الف جندي أمريكي في العراق. مؤكدا "لدي كل الثقة انا سنتلقى مثل هذا الطلب في مرحلة ما". وقال "انه مايزال هناك 1000 عضو من القاعدة في العراق".


تعليق: 
1- شلون عرف الحكومة راح تطلب بقاء قواته، اذا الحكومة نفسها بعد ما تعرف راح توافق لو ماتوافق.
2- شلون حسب أعداد افراد القاعدة بهذه الدقة ؟ 1000؟ مع أن الحاج بترايوس كان يقول كل اللي باقي 100 قاعدي؟


شفتو شنو فايدة تعيين مدير السي آي أي وزيرا للدفاع؟ كل شي يعرف حتى قبل مايصير!

هناك 8 تعليقات:

  1. العزيزة عشتار تحية و سلام هذا البانيتا أكو فد شي بوجهه مو نظامي أعتقد المسافة بين حواجبه و انها مرفوعة من الوسط أكثر من اللازم هل هاي حواجبه الشيطانية لها علاقة بقدراته التنبوئية؟ زين ما دام هو هيجي يجيبها مضبوطة يقدر يعرفنة شوكت راح تتحسن الكهرباء

    ردحذف
  2. أعتقد عشتار أن سبب اختيار بانيتا مديراً للسي آي أي حاليا ومرشحاً لوزارة الدفاع الأمريكية هو حاسة الشم الخارقة التي يمتلكها وقدرته على معرفة الأمور قبل حدوثها. ويبدو، والله أعلم، أن السبب هو حجم أنفه (يعني بالعراقي خشمه) الكبير وكبر منخاريه مما يساعده على التقاط روائح الأمور قبل غيره وحتى قبل وقوعها.
    وفوق كل ذي علم عليم!

    ردحذف
  3. اخي ابو يحيى واخي ابو هاشم

    اصبتما.. ليس في وجه الرجل سوى حواجب وأنف. يعني ما يحتاج رسام كاريكاتير يرسمه، الله رسمه كاريكاتيرا جاهزا.

    ردحذف
  4. عيني عشتار،،
    جا هو اذا يعرفهم بس 1000 واحد،، لعد ليش ما يروحون هسه يلمونهم ويخلصون البلد،، لو (ابو خشيم) يريد يبقى الف سنة حتى يخلص الشغلة،،

    ردحذف
  5. أخي غير معرف

    حسب آخر احصاء بترايوسي كانوا 100 ، شلون طفروا الى 1000 ؟ ما ادري الا إذا بانيتا يريد يحلل لگمته، ويريد يگول ان وراه شغل كثير. على العموم الرجل عمره 72 سنة، والواحد يشوفه عشرة.

    ردحذف
  6. من يرخي بوزه ... منو يشبه ؟؟


    مو ينطي شبه من آزادي مدري شسمه ؟ ابن خت الجلبي ؟؟





    جياد التميمي

    ردحذف
  7. عشتارتنا...و الله عبالي الصوره ما باباي بس شويه كبران...و تعرفين بعد...باباي من ياكل سبانخ يصير يكدر يسوي كلشي

    ردحذف
  8. و بالخلفيه المظلمه لهذه القصه الحزينه صرح دانا رورا باكر عضو مجلس الشيوخ انه يامل ان العراق سيقوم بسداد جزء من الاموال الباهضه التي صرفتها امريكا منذ عام 2003...زين هوه من كلهم تعالوا حتى ندفع فلوسهم...لو باباي واثق ان العراقيون هم من طلبوا كما سيطلبوا تمديد بقاء الامريكان في العراق...و اكيد علاوي مثل ما سوه عبد العزيز الحكيم عندما اقر كم مليار للعزيزه ايران راح يطالب بكم ترليون لامريكا جراء " استجابتها " لطلبات العراقيين باطاحه صدام...مبروك للمواطن العراقي

    ردحذف