"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

6‏/5‏/2011

قصة حجي كاظم : الفيل العابر للمحيطات!

ماتعرفون منو حجي كاظم ؟ شنو وين عايشين ؟ زين ما سمعتوا حكايات الفيل الطائر والغبار المقدس؟ عبالكم الفيل يطير بس؟ والغبار يعالج الأمراض بس؟
أعزائي العراقيين المشردين في أصقاع العالم: إذا كنتم في بلاد فيها تسونامي او تورنادو او أمواج عاتية في أعالي البحار! 

هناك 9 تعليقات:

  1. ههههههههههههههه ولهذا لي هسه ماكو فياضانات بالهند !!!!!!!!
    بس ما عرفنه هاي التربه خاصه بالبحار لو اكو ترب اخرى تخص بقيه الكوارث ؟؟؟؟ وعلوى هذا حجي كاظم موجود جان زرنا واخذنه منه جم (تُربايه)تفيدنا يوم القيامه الي قرب مو عده مثل ما دا يكولون..ههههه
    هي المشكله بلّي دا يصدكون ويصيحون ...(( الله واكبر ))

    ردحذف
  2. اشلون منعرف حجي كاظم...أكو واحد ميعرف حجي كاظم؟ ... مدير الميناء غير!

    ما ادري .. هاي التربة تنفع للحموضة مال المعدة؟!!


    عراق

    ردحذف
  3. عشتارتنا....هذه الترب الظاهر تشتغل على المبدا الفيزيائي للاقراص الفواره...من تذبيهه بالماء...تسوي الاعاجيب...بعد ليش متعجبه...مبروك للهنود هذا الاكتشاف...و عفيه بحجي كاظم اللي كان يعطي هذه الاقراص للهنود ببلاش كرامه للحسين.

    هاي ذكرتيني بمدرس الفيزياء مالنه بالمتوسطه...كان كلما يسال واحد ان يكتب قانون فيزيائي معين و الطالب يكتبه غلط يباوع هذا المدرس على الصف و يكول...ولدي لو الفيزياء مالتنه تمشي بالقوانين اللي تكتبولياها كان ليهسه احنه نتنقل بعرباين مال حصن تايراتها مربعه...الله يرحمه...لو سامع هذا الاغبر شيكول كان يمكن بطًل يدرس فيزياء و راح وكف على عربانه حجي محمد يبيع اللبلبي...عاشت هاي التحف حتى ننعم بهدوء البحر...عفيه عشتارتنا...ماكو وصفه للطوز؟

    ردحذف
  4. عراق

    اكيد تنفع للمعدة ولكن تختلف الكمية وطريقة التناول ، وإذا عندك معدة تعبانة حجي كاظم ماينفعك لأنه مثل ما تعرف اختصاصي موانيء وبحار هائجة، وللمعدة الهائجة تروح تشوف مدير الطبية حجي حلبوص حتى يكتبك لك الوصفة المضبوطة .

    ردحذف
  5. لبيب

    ليش تسأل ؟ على ايدك: الطوز قتلناه بحثا !!

    ولكن للقراء الجدد ماكو مانع نعيد:

    إذا الطوز أحمر خانق، تاخذ تربة واحدة وتسحنها وتلهمها مثل اللهوم قبل الأكل بساعتين ، راح يصفى نظرك وماتشوف طوز أحمر ولا أخضر، ويصفى تنفسك وينتهي الاختناق بقدرة قادر وكرامات الأولياء الصالحين من أهل البيت وجيرانهم .

    ردحذف
  6. عراقي حر

    إذا يوم القيامة اقترب .. طبعا ولازم وضروري يكون في جيبك تربة واحدة على الأقل، تقدمها على الباب حتى تدخل .. خو مو كوترة ؟ واذا ماكان عندك البطاقة .. اقصد التربة، ممنوع تحضر اليوم الموعود، وراح تبقى بالدنيا، وتضطر مثل المنبوذين الآخرين تعيد الحياة والاختراعات والحروب والصراعات وتقرا غار عشتار مرة ثانية من اول وجديد.. يعني عذاب مابعده عذاب .

    الحك حصل على تربة لدخول القيامة ، واذا مالكيت واحدة بالطريقة الشرعية ، اكو واحد واكف متخفي قرب باب القيامة يبيع الترب بأسعار السوق السوداء، اسمه حجي كاظم.

    ردحذف
  7. لعد ليش هيجي حجي كاظم....هذا العفريت كان عنده هذا السلاح السحري و ما ينطيه غير للهنود....شنو هنود العراق ما عاجبينه ؟

    ردحذف
  8. احسن من التربة مفيــــــش..

    وكلامه فعلا صحيح..
    لان التربه عصت بزردوم البحر فسكت.. وين الغلط؟؟

    ردحذف
  9. يقولون بان الدين افين الشعوب . لكن الجماعه تجاوزوا مرحلة الافيون بكثير .. اعتقد بانهم الان يتحدثون عن الكوكايين والهيرويين
    بغدادي كردي

    ردحذف