"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

1‏/4‏/2011

في العراق: شركات سوداء!

وزارة التخطيط في حكومة العراق المحتل أنشأت قائمة سوداء للشركات التي لم تفي بتنفيذ العقود التي اوكلت لها. العدد حتى الآن 433 شركة .

يعني 433 مشروع ؟ أم ان كل شركة كانت على الأكثر تتعاقد على أكثر من مشروع في وقت واحد؟ آلاف المشاريع التي لم تنفذ؟

الخبر حسب الأصول لم يشرح أو يفصل: ماذا بعد اضافة الاسماء الى قائمة سوداء؟ يعني الا يسند للشركات السوداء مشاريع جديدة؟

طيب والمشاريع القديمة ؟ هل تسحب منها وتناط بشركات جديدة ؟

وهل سوف ترفع قضايا ضدها؟ وهل هناك اجراءات لاسترداد الأموال وللتعويض عن التأخير وعن سوء العمل وعن تعطيل مصالح الناس؟ وعن خيبات الأمل لدى الشعب؟

وأهم من هذا هل سوف يحاسب ويساءل المسؤول الذي سهل لشركات النصب والإحتيال الحصول على العقود؟ وهل سوف تصادر الرشاوي التي تلقاها ذلك المسؤول؟

هناك 7 تعليقات:

  1. المفروض من يوصل عدد هذه الشركات الى عشره تبدأ الحكومه تهرش راسهه و تسأل " منو اللي ديسهل هذه الاعمال " بس ما شاء الله الرقم وصل الى 433 و الجماعه هسه يلله صدروا هذا الكتاب...بعدين في كل اصول التعاقدات الدوليه للناس المحترمه اكو شئ اسمه رهن ضمان العمل....يعني الشركه تدفع مبلغ محترم من المال في حساب العميل قبل بدايه المشروع و يصادر هذا المبلغ في حاله عدم تنفيذ الشركه للمشروع أو اذا تم التنفيذ بنوعيه اقل من المتعاقد عليها....كما ان هناك دفعات شهريه على اساس العمل المنجز .زين الجماعه مسويين هالشكل لو اخاف منطين مبلغ المقاوله كاملا منذ البدايه حتى قبل ان تبدا الشركات باعمال الاسس...و الله يسويهه الحظ و ربع الزريبه الخضراء

    ردحذف
  2. هاي شبيك لبيب؟ اليوم انت مو طبيعي! شنو المفروض؟ وشنو اصول تعاقدات؟ وشنو هذا الكلام وكأنك تتحدث عن حكومة حقيقية ودولة محترمة!

    آني أكولك شنو الاصول في التعاقد بين الحرامية.

    الحرامي الثاني وهو الشركة النصابة اللي تريد تتعاقد عادة تكون شركة لها وجود وهمي وموقع وهمي على الانترنيت، وعلى الأكثر اقامها الوزير المسؤول او ابن اخته اللوتي، وهذا طبعا يرسي عليه العطاء، ويكون قد طلب مبلغا مبالغا به ثمنا للمقاولة ، والزيادة في المبلغ تروح لجيب الوزير. يعني خزنة الحكومة هي اللي تدفع الرشوة والمقاولة . أخاف عبالك الرشوة تأتي من جيب صاحب الشركة . لا .. يابة .. لا !

    زين هسة ليش حكومة حرامية تحط لائحة باسماء شركات حرامية ؟

    للجواب على هذا السؤال لازم تطالع قوانين الحرامية فيما بينهم. يمكن ان انصحك بمشاهدة فيلم العراب الأول والثاني ، وراح تفتهم كل الأصول. على الأكثر هاي الشركات بعد أن استلمت مبلغ المقاولة والرشوة ، أنقصت ثمن الرشوة المتفق عليها للمسؤول.

    ردحذف
  3. عشتارتنا....دا احس مثل اللي ترزلت...اهي اهي اهي...هاي لانه آني حباب و حبيت اوضح للاخوه القراء الاصول المتبعه في العقود للذين عندهم أصول و ليس مثل ربع الزريبه الخضراء و لاقول لهم انه هناك خطوات متبعه في التعاقدات لضمان حق الزبون ...اما اللي دا اسمعه ان الشركات تقبض اموال عن اعنال لم تقم بها و بعديت باي باي...لو بدل ما يبدل الفلكه بواحده اكبر يروح و يزرع كم ورده و كم كيلو ثيل و يقبض كم مليون يروح قسم منها للمهندس الموقع و لحرامي بغداد و بقيه الشله

    بعدين شطالبتني عشتارتنا...اكعد ست ساعات اتفرج على فلم العراب ...و ليش هوه اكو كهرباء تطول ست ساعات بدون قطع ؟

    ردحذف
  4. عيوني لبيب .. مو رزالة . العقو، لكن حبيت اذكرك ان احنا في غابة. يعني معقولة لما تروح الغابة تتكلم عن الاصول والقوانين المتبعة والمفروض ؟ لازم طبعا تتكلم بلسان الغابة . يعني مثل طرزان لما كان يصيح: هوهوهو هو !!

    وطبعا قولك انه لما كانت الشركات توصل لعدد 10 تبدي الحكومة تتساءل. طبعا هاي اذا اكو حكومة مو عصابة حرامية.

    وزيادة العدد الى مئات الشركات يعني انها تجارة رابحة ومضمونة ومباركة وانهم يقبضون من اول التعاقد كل فلوس العقد، ويشمعون الخيط.

    ردحذف
  5. و الله يا عشتارتنا قلبنا ورًم من اللي ديصير بالعراق...على الاقل في الغابه الاسد عندما يشبع يكتفي و لا يقتل فريسه اخرى..وهوه عندما يقتل فيقتل لحاجته للاكل فقط و ليس للبطر...هؤلاء ليس عندهم الا و لا ذمه...قرود في زريبه خضراء تتحكم في رقاب العباد

    و اللي ديسويني عصبي انه اكو ناس دا تعد للمائه يوم و كانما راح يجيهم الفرج....ما اعرف شوكت راح نكعد من هذا الكابوس

    و بعدين آخر مره صيحت بيهه مثل طرزان كان قبل عقود من الزمن عندما كنت طفل...و اكلت وراهه كتله محترمه من السيد الوالد لانه كعدته من قيلوله الظهر...و اتشفوا بيه الجيران اللي كانوا ما يقدرون صوتي التينوري

    ردحذف
  6. لبيب .. اصبر .. ماباقي غير 22 سنة ويتحرر العراق. الفترة كلها 30 سنة فاتت منها 8 باقي 22 سنة . ترة السنين تفوت بسرعة.

    ردحذف
  7. الله يبشرك بالخير

    ردحذف