"المدونة محمية بميثاق الشرف. أرجو الإشارة الى اسم (غار عشتار) والكاتبة (عشتار العراقية) عند إعادة النشر"

17‏/1‏/2010

من تنتخب : جيمي جاكسون أم جورج كلوني


عودا على مولانا جيمي جاكسون اللي تحدثنا عنه في هذا الرابط. الصورة المفضلة لدي من صوره العديدة هي هذه الصورة التي يبدو فيها شديد الجاذبية .

زين أحلفكم بكل عزيز وغالي : هل تستطيعون ان تفرقوا بين جيمي وجورج كلوني في هذه الصورة ؟ الشعر هو الشعر واللحية هي اللحية والشمرة هي الشمرة ، والاسم يبدأ بحرف الجيم ايضا ، ولكن من هو الأجمل؟ والأكثر شبابا مع أنهما في عمر واحد؟ ومن نظارته أجمل من نظارة الآخر وأغلى سعرا ومن شعره كستنائي يخبّل؟


يابه أحلف على رؤوس الأشهاد واتعهد لكم بأن اتجاوز على وطنيتي، وانسى شيء اسمه العراق ومستعدة اروح الانتخابات وانتخب جيمي ولكن بشرط أن يضع هذه الصورة المفضلة لديّ على لافتته الانتخابية .. مو هذه الصورة الغريبة لرجل دين أثول.






هناك 6 تعليقات:

  1. عشتارتنا

    هوه هذا هم سؤال...اكيد كلنا راح ننتخب جمال جواريب لاسباب لا تتعلق بالوسامه ابدا انما من المنطلقات التاليه

    1- مولانا جمال جواريب يستطيع تقمص الادوار و الشخصيات في كافه الاوقات و الامكنه و اراهنك ان الشخصيات التي تقمصها تفوق الاف المرات عن ادوار جورج كلوني و هذا دليل براعه و ذكاء و تفوق ج.ج في الحياه العمليه

    2-شفتي بعمرج جورج كلوني يوكل وز بايده؟ هذا واحد ملتهي بعيشته و ما عنده وقت لهذا الكلام الفارغ بينما ج.ج يستقطع من وقته الثمين و يسافر لانكلترا لاجل أطعام الوز المسكين...قلبه حنين و داعه العباس

    و بمناسبه السفر الى انكلترا بوًدي ان أسال سؤال برئ... من يدفع مصاريف و يمول سفرات صاحبنا جمال جواريب...لعل التمويل يأتي من جمعيه الرفق بالوز الانكليزي...مو صحيح

    ردحذف
  2. اغلب البوستات مو مال تعليق، لان تكون مال بجي وقهر، بس لهنا وكفايه، هذا بعد رويحتي ابو الجوج كلوني
    مااقبلها ابد تشبيهه بالعره هذا، ابو شعر كستنائي، واكص ايدي اذا مطلع حاط كذله اكستنشن،، هذوله كلهم عاريه يابا، هذا الاصل دشوفي الشعر الابيض يبرج برج، يما فدوه ههههههههههههه
    والله ياعشتورة عندج سوالف، عبالك اعمى "وهي الحقيقه" بس شلون ضارب بوز، اني من البارحة وصافنه على الصور وعلى الكلام، شنو هاي شنو هلنمونات، بس الي يقهر خوفج لااحد لحد هذه اللحظة يصدك بيهم، هذا الي يقهر، لان مخلفات المحتل دائماً تكون عبارة عن"حشا السامع" براز، مع العلم ان الكلمة بالعامية لها وقع اكثر خصوصاُ حين تقال في حق هؤلاء..
    وبعد طول كلام، وبعد معاينه المذكور اعلاه"كلوني" والمذكور سفلاه :) جيمي، لازالت نفسي تعاف ان تمرغ الاصبع في اللون البنفسجي لاجل هذا واولئك، ومع كل الاغراءات، حتى لو كان نسخه منسخه لكلوني حبيب ئلبي..
    لان بالتالي كلهم"كوبي+بست" ماكو "اورجينال" اصلي..
    والاصلي يكسب..

    ردحذف
  3. هذا شلون كلام لبيب ؟ شنو منو يدفع له اجور السفرات؟ ليش جيمي يروح سياحة ؟ لو رايح يناضل في مؤتمرات ويلقي خطب ومحاضرات ؟

    ردحذف
  4. جيفارية! آني حلفت وحطيت شرط وبس خوفي لا يروح يغير صورة المعمم في المنشورات الانتخابية ويحط صورة (نسخة كلوني) فيها واضطر اروح انتخب..

    ولكني اختلف معك، لو حط صورته الحلوة بالنظارة، راح كل بنات العراق من الجبايش الى زاخو ينتخبوه.

    ردحذف
  5. هكذا النضال و الا فلا...عاش اقليم الوز حرا مستقلا و لا للمخدات المصنوعه من ريش الطيور...عاش اقليم الوز....و لا لدوده القز

    ردحذف
  6. عشتورة .... ليش تواخذيه على تغيير شكله حسب الزمان والمكان ؟ ولاقامة صلاته في (هايد بارك لندن) بدل أقرب حسينية الى بيته.... طالما لم ينزع عن خنصره خاتم تعريفه كـ( سيد شيعي), كلما غير مظهره !!
    يا جماعة الخير ... (المعلقين أهنا وعلى موضوع مشابه سابق) , دعونا من النظارة والچنطة ... و ... وهاي التفاصيل الصغيرة الاخرى ! وفكروا لنا بكيفية أظهار (الشعب العراقي) على هيئة (وز انكليزي) بنظرهذا الداعية المتلوٌن .... ليشملهم بعطفه وحنانه في حال فوزه بالانتخابات , ببركات بريطانية او امريكية , ..... ورغم أنف الناخب العراقي !!!!!


    عراق

    ردحذف